Një vajzë 19-vjeçare e sëmurë rëndë vdiq në krahët e nënës së saj, pasi mjekët në Venezuelë u detyruan ta largonin për shkak të situatës së krijuar.

Nëna zemërthyer, Elizabeth Diaz u detyrua të mbante në krah trupin e vajzës së saj, që peshonte vetëm 22 kilogramë nëpër rrugët e qytetit drejt morgut.

Diaz vizitoi një Qendër Lokale Diagnostike Lokale (CDI) në qytetin verior të Valencias të shtunën në mbrëmje, por menjëherë u largua nga mjekët sepse objekti nuk kishte energji elektrike.

Nëna u këshillua që të vizitonte një qendër tjetër mjekësore në Las Lomas, ku ajo u sigurua se stafi mund të ofronte trajtim për paralizën cerebrale të vajzës së saj dhe kequshqyerjen kronike. Sipas Diaz, vajza dridhej vazhdimisht dhe gjendja e saj u përkeqësua. Pas mbërritjes në spitalin e dytë, familja nuk u lejua që të futej fare brenda sepse edhe aty ishte e njëjta situatë.

Vajza e Diazit vdiq në krahët e saj disa momente më vonë. Nëna e mbajti trupin e vajzës së saj nëpër rrugët e errëta të qytetit në një morg lokal. Gjendja e rëndë ekonomike e nënës nuk e ka lejuar atë të kërkojë trupin e vajzës për një shërbim të duhur varrimi.
Imazhet e vdekjes së papritur të 19-vjeçares janë shpërndarë në mënyrë virale, të cilat tregojnë qartë regjiminb e egër të Nicolás Maduro kundër një kombi që ka kërkuar nevojat më themelore si; ushqim, ujë dhe ilaçe./gsh/